ស្មារតី "ជាតិខ្មែរតែមួយ" សមាគមមិត្តយើង បានប្រគល់នូវអំណោយ ជូនដល់វីរៈកងទ័ពជួរមុខ នៅតំបន់ព្រំដែនព្រះវិហារ

កាលពីថ្ងៃទី ១០ ខែសីហា ឆ្នាំ ២០២៥ ក្នុងស្មារតី "ជាតិខ្មែរតែមួយ" សមាគមមិត្តយើង បានប្រគល់នូវអំណោយ "ម៉ូតូ Honda Wave 110" ចំនួន ៥ គ្រឿង ដែលជាការចូលរួមដ៏ថ្លៃថ្លារបស់ថ្នាក់ដឹកនាំ សមាជិក និងសមាជិកា ជូនដល់វីរៈកងទ័ពជួរមុខ នៅតំបន់ព្រំដែនព្រះវិហារ​​ ​ដើម្បីសម្រួលដល់ការធ្វើដំណើរ និងដឹកជញ្ជូនសម្ភារ។

ឆ្លៀតក្នុងឱកាសនេះ​ សមាគមមិត្តយើង សូមសំដែងនូវការគោរពដឹងគុណសារជាថ្មីម្តងទៀត​ ចំពោះវីរៈកងទ័ពកម្ពុជា​ ដែលបានធ្វេីពលីកម្មគ្រប់បែបយ៉ាង​ ដេីម្បីបុព្វហេតុជាតិមាតុភូមិ​ អាជ្ញាធរគ្រប់លំដាប់ថ្នាក់ដែលបានយកចិត្តទុកដាក់ថែរក្សាប្រជាពលរដ្ឋភាសសឹក​ និងសប្បុរសជនគ្រប់ទិសទី​ ដែលបានចូលរួមជួយគាំទ្រ​ក្នុងស្មារតីខ្មែរជួយខ្មែរ៕