ភ្នំពេញ៖ ថ្ងៃអាទិត្យ ១៤រោច ខែបឋមមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១៦ ខែកក្កដា ឆ្នាំ២០២៣ សមាគមមិត្តយើងបានរៀបចំកម្មវិធី «ជិះដើម្បីមិត្តយើង» នាំយកកញ្ចប់ជំនួយមិត្តតើងរយមមាន អង្ករ, ត្រីខ ទឹកដោះគោ និងខោអាវ ព្រមទាំងថវិកា បានរៀបចំអាហារសាមគ្គីដល់កុមារស្នាក់នៅក្នុងសមាគមស្នាមញញឹមថ្មីនៃក្ដីសង្ឃឹមរបស់កុមារចំនួន ១១០នាក់ ដែលមានទីតាំងនៅ ភូមិក្រសាំង ឃុំជើងកើប ស្រុកកណ្តាលស្ទឹង ខេត្តកណ្ដាល។ ការចូលរួមរបស់យើងទាំងអស់គ្នាជាចំណែកផ្ដល់ភាពកក់ក្ដៅដល់ពួកគាត់។ យុទ្ធនាការជិះដើម្បីមិត្តយើង “Ride For Mett Yeung” នេះជាសកម្មភាពដ៏មានសារៈសំខាន់មួយ និងមានចក្ខុវិស័យវែងឆ្ងាយ ដើម្បីបង្ហាញពីទឹកចិត្តសប្បុរសធម៌ ដោយផ្តើមចេញពីការចែករំលែក ធនធានតាមលទ្ធភាពពីសមាជិកមិត្តយើង ដល់អ្នកដែលខ្វះខាត និងអ្នកធ្វើការងារក្រៅប្រព័ន្ធ។
