សមាគមមិត្តយើងបានចូលរួមសម្របសម្រួលដល់អ្នកស្វែងរកការងារធ្វើ ដើម្បីចូលសម្ភាសការងារជាមួយដំណាងនិយោជក ដែលមកពីក្រុមហ៊ុនផ្សេងៗក្នុងវេទិកាការងារ

កាលពីពេលថ្មីៗនេះសមាគមមិត្តយើងបានចូលរួមតាំងបង្ហាញសកម្មភាព ក្នុងពិព័រណ៍ការងារលើកទី៣នៅសាកលវិទ្យាល័យភូមិន្ទភ្នំពេញ។ ក្នុងឱកាសនោះក្រុមការងារក៏បានណែនាំដល់ដំណាងក្រុមហ៊ុន និងអ្នកស្វែងរកការងារធ្វើអោយបានស្គាល់ពីសមាគមមិត្តយើង និងបេសកម្មរបស់យើងក្នុងកិច្ចការមនុស្សធម៌ផងដែរ។ក្នុងព្រឹត្តិការណ៍នោះសមាគមបានផ្តល់ជូនម៉ាស ដបអាកុល និងអាវយឺតដ៏ស្រស់ស្អាត ជាជំនួយរបស់ក្រុមហ៊ុនដែលជាដៃគូរបស់មិត្តយើងចែកជូនដល់សិស្សនិស្សិត ដែលបានចូលរួមផងដែរ។

ក្នុងឪកាសនេះសមាគមសូមថ្លែងអំណរគុណយ៉ាងជ្រាលជ្រៅចំពោះដៃគូសហការ ទាំងវិស័យរដ្ឋនិងឯកជន ដែលតែងតែចូលរួមឧបត្ថមគាំទ្រគ្រប់កាល:ទេស:ដល់សមាគមដើម្បីចូលរួមក្នុងកិច្ចការមនុស្សធម៌ និងសង្គមជាតិ។

សូមជម្រាបថាសមាគមមិត្តយើង មានគោលបំណង ក្នុងការលើកកម្ពស់កម្រិតជីវភាពរស់នៅ ឱកាសការងារ អាជីវកម្ម មិត្តភាព សាមគ្គីភាព និងកសាងបណ្ដាញគាំទ្ររវាងអ្នកប្រកបការងារ ឬមុខរបររកចំណូលផ្ទាល់ខ្លួន អ្នកជំនាញបច្ចេកទេស អ្នកបម្រើផ្នែកសេវាកម្ម និងអ្នកប្រកបអាជីវកម្មផ្សេងៗទាំងនៅក្នុង និងក្រៅប្រទេស ជាពិសេសការងារសង្គម ក៏ដូចជាការងារសប្បុរសធម៍នានា ដើម្បីជាការរួមចំណែកអភិវឌ្ឍន៍ប្រទេសជាតិ។