នៅព្រឹកថ្ងៃទី២១ ខែតុលា ឆ្នាំ២០២២ ប្រធានសាខាសមាគមមិត្តយើងប្រចាំទីក្រុងសេអ៊ូលសាធារណរដ្ឋកូរ៉េ នាំយកគ្រឿងឧបភោគបរិភោគ សម្ភារៈប្រើប្រាស និងថវិកាមួយចំនួនជួយដល់មណ្ឌលកុមារព្រាមែកឈើ
ប្រធានសាខាសមាគមមិត្តយើងប្រចាំទីក្រុងសេអ៊ូលសាធារណរដ្ឋកូរ៉េ នាំយកគ្រឿងឧបភោគបរិភោគ សម្ភារៈប្រើប្រាស និងថវិកាមួយចំនួនជួយដល់មណ្ឌលកុមារព្រាមែកឈើ ដោយមើលឃើញទុកលំបាករបស់មណ្ឌលកុមាកំព្រាមែកឈើកំពុងជួបការលំបាក និងខ្វះខាត លោកស្រី ភាវ សុចិន្តា ប្រធានសាខាសមាគមមិត្តយើងប្រចាំទីក្រុងសេអ៊ូល សាធារណរដ្ឋកូរ៉េនិងក្រុមការងារ នៅព្រឹកថ្ងៃទី២១ ខែតុលា ឆ្នាំ២០២២នេះបាននាំយកសម្ភារៈប្រើប្រាស់មួយចំនួនដូចជា អង្ករ ត្រីខ ទឹកត្រីទឹកស៊ីអ៊ីវ មី ទឹកដោះគោ ប៊ិចសៀវភៅ សម្លៀកបំពាក់ និងថវិកាដើម្បីជួយដល់មជ្ឍមណ្ឌលមែកឈើ។ គួររំលឹកថា មណ្ឌលកុមារកំព្រាមែកឈើមានទីតាំងស្ថិតនៅក្នុងភូមិលិចវត្ត សង្កាត់ កំបូល ខណ្ឌ កំបូលរាជធានីភ្នំពេញបច្ចុប្បន្នមណ្ឌលកុមារកំព្រាមួយនេះមានកុមារកំពា្រតូចៗកំពុងស្នាក់នៅចំនួន១២៣នាក់។មណ្ឌលកុមារកំព្រានេះអាចបន្តដំណើរទៅបានមកដល់បច្ចុប្បន្នដោយសារតែមានការចូលរួមឧបត្ថម និងគាំទ្រពីសប្បុរសជននានា។ លោកស្រី ភាវ សុចិន្តា ប្រធានសាខាសមាគមមិត្តយើងប្រចាំទីក្រុងសេអ៊ូល សាធារណរដ្ឋកូរ៉េមានប្រសាសន៍ថា លោកស្រីពិតជាសប្បាយរីករាយណាស់ដែលបានមកដល់មណ្ឌលកុមារកំព្រានេះ និងអាណិតអាសូរដល់ក្មេងៗជាខ្លាំង ជាទូទៅក្មេងៗតែងតែត្រូវការការថ្នាក់ថ្នមពីឱពុកម្តាយ តែដោយសារតែស្ថានភាព ដូចជាឱពុកម្តាយស្លាប់ ឬបែកបាកគ្រួសារទើបពួកគាត់មករស់នៅទីនេះ។លោកស្រីក៏សូមអរគុណដល់លោកផន ផល្លា ប្រធានមណ្ឌលកុមារកំព្រាមែកឈើជំនួសកុមារកំព្រាទាំងអស់នដែលកំពុងរស់នៅក្នុងមណ្ឌលនេះ ដែលលោកបានដើរតួនាទីជាបិតាទីពីរ និងផ្តល់ក្តីរំពឹងថ្មី ព្រមទាំងជាអ្នកផ្តល់ពន្លឺថ្មីដល់ក្មេងៗ ជាមួយគ្នានេះលោកស្រីរំពឹងថាក្មេងៗកំព្រាទាំងអស់នេះនឹងមានអនាគតល្អតាមរយៈការយកចិត្តទុកដាក់ និងបណ្តុះបណ្តាលពីលោកប្រធានមជ្ឈមណ្ឌល។លោកស្រីបន្ថែមថា ជំនួយនេះទោះបីជាមានចំនួនតិចតួចក៏ពិតមែន តែវានឹងអាចដោះស្រាយនៅការលំបាកមួយចំនួនរបស់មណ្ឌលដែលកំពុងជួបការលំបាក។លើសពីនេះទៀតលោកស្រីក៏សូមថ្លែងអំណរគុណចំពោះ សមាជិកសមាគមមិត្តយើងសាខាទីក្រុងសេអ៊ូលសាធារណរដ្ឋកូរ៉េ សមាគមមិត្តយើងនៅរាជធានីភ្នំពេញ និងសប្បុរសជននានា ពិសេសបងប្អូនដែលកំពុងធ្វើការនៅសាធារណរដ្ឋកូរ៉េ និងសប្បុរសជនទាំងក្នុងនិងក្រៅប្រទេសដែលបានចូលរួម និងផ្តល់ជំនួយតាមរយៈលោកស្រីដើម្បីជួយដល់មណ្ឌលកុមារកំព្រាមែកឈើនេះ។ សូមជម្រាបថាសម្ភារៈដែលយកទៅផ្តល់ជូនមណ្ឌលកុមារកំព្រាមេឃឈើនោះមានដូចជា អង្ករ ១ តោន ត្រីខ ៤ កេស ទឹកត្រី ១០ យួរ ទឹកស៊ីអីវ ១០យួរ មី ១០ កេស ទឹកសុទ្ធកូរ៉េ ១០ យួរ ទឹកដោះគោឆៅ ១០កេស ទឹកដោះគោឆុង ៥កេស សៀវភៅប៊ិចឈុត 122 ឈុត នំ ២៥ប្រអប់ អាវក្មេង ២០០ អាវ ទឹកប្រាក់ ២០០០$។
