ប្រជាពលរដ្ឋដែលមានជីវភាពខ្វះខាត់ចំនួន ២០គ្រួសារ រួមទាំងកុមារកំព្រា ចំនួន ៧០នាក់ នៅមជ្ឈមណ្ឌលកុមារកំព្រាខេត្តកំពង់ស្ពឺ ទទួលបានការឧបត្ថម្ភថវិកា និងកញ្ចប់ជំនួយមិត្តយើង

កំពង់ស្ពឺ៖ កាលពីព្រឹកថ្ងៃ០៦ ខែវិច្ឆិកា ឆ្នាំ២០២២ នេះ សមាគមមិត្តយើង បាននាំយកកញ្ចប់ជំនួយមិត្តយើង និងថវិកា ជូនដល់បងប្អូនដែលជួបបញ្ហាលំបាកក្នុងជីវភាពរស់នៅចំនួន ២០គ្រួសារ ស្ថិតនៅភូមិថ្មី ឃុំរការធំ ខេត្តកំពង់ស្ពឺ។ ទន្ទឹមនឹងនេះដែរ ក្រុមការងារមិត្តយើង ក៏បាននាំយក នំប្រៃ ភេសជ្ជៈ សម្ភារសិក្សា និងថវិកាមួយចំនួន ជូនដល់កុមារកំព្រាចំនួន ៧០នាក់ នៅមជ្ឈមណ្ឌលកុមារកំព្រាខេត្តកំពង់ស្ពឺ ផងដែរ។ សូមជម្រាបថា សមាគមមិត្តយើងសូមស្វាគមន៍រាល់ការបរិច្ចាគជំនួយ និងការឧបត្ថម្ភនានារបស់បងប្អូនសប្បុរសជន ដើម្បីបន្តសកម្មភាពរបស់សមាគម ក្នុងជួយដល់អ្នកខ្វះខាត និងទីទាល់ក្រ។