ថ្ងៃទី៨ ខែតុលា ឆ្នាំ២០២៣ ក្នុងឱកាសបុណ្យភ្ជុំបិណ្ឌខាងមុខនេះ សមាគមមិត្តយើងបាន រៀបចំកម្មវិធីសប្បុរសធម៌ «ចែកសម្ភារ កញ្ចប់ជំនួយ និងកាត់សក់ជូនដល់កុមារ លោកគ្រូ អ្នកគ្រូ នៅក្នុងមជ្ឈមណ្ឌលកុលាបទី៤ »
(ភ្នំពេញ)៖ កាលពីថ្ងៃទី៨ ខែតុលា ឆ្នាំ២០២៣ សមាគមមិត្តយើងបានធ្វើយុទ្ធនាការ «ជិះដើម្បីមិត្តយើង» បានដឹកនាំក្រុមការងារចែកសម្ភារ កញ្ចប់ជំនួយ និងកាត់សក់ជូនដល់កុមារ លោកគ្រូ អ្នកគ្រូ នៅក្នុងមជ្ឈមណ្ឌលកុលាបទី៤។ សម្ភារដែលបានឧបត្តម្ភជូនរួមមាន អង្ករ ៥០០គីឡូ ត្រីខ ៧កេស ទឹកដោះគោ ២កេស ខោអាវកុមារ ១០០ឈុត ព្រមទាំងថវិកា។
ការចូលរួមរបស់យើងទាំងអស់គ្នាជាចំណែកផ្ដល់ភាពកក់ក្ដៅដល់ពួកគាត់។ យុទ្ធនាការជិះដើម្បីមិត្តយើង “Ride For Mett Yeung” នេះជាសកម្មភាពដ៏មានសារៈសំខាន់មួយ និងមានចក្ខុវិស័យវែងឆ្ងាយ ដើម្បីបង្ហាញពីទឹកចិត្តសប្បុរសធម៌ ដោយផ្តើមចេញពីការចែករំលែក ធនធានតាមលទ្ធភាពពីសមាជិកមិត្តយើង ដល់អ្នកដែលខ្វះខាត និងអ្នកធ្វើការងារក្រៅប្រព័ន្ធ។
