កញ្ញា ផាន់ សុនីតា អនុប្រធានសមាគមមិត្តយើង បាននាំយកអំណោយជូនដល់បងប្អូនដែលជួបការលំបាកចំនួន ៥០០គ្រួសារ ដែលកំពុងតែជួបប្រទះការខ្វះខាត រស់នៅតាមបណ្តោយផ្លូវរថភ្លើង

គ្រួសារក្រីក្ររស់នៅតាមបណ្តោយផ្លូវរថភ្លើង និងអ្នកប្រកបរបរក្រៅប្រព័ន្ធ ចំនួន ៥០០គ្រួសារ ទទួលបានអំណោយជាគ្រឿងឧបភោគ បរិភោគ ពីសមាគមមិត្តយើង។ កញ្ញា ផាន់ សុនីតា អនុប្រធានសមាគមមិត្តយើង  បាននាំយកអំណោយជូនដល់បងប្អូនដែលជួបការលំបាកចំនួន ៥០០គ្រួសារ ដែលកំពុងតែជួបប្រទះការខ្វះខាត រស់នៅតាមបណ្តោយផ្លូវរថភ្លើង ក្នុងនោះមានអ្នកប្រកបរបរក្រៅប្រព័ន្ធ (ម៉ូតូឌុប រមកកង់បី និងអ្នកដឹកជញ្ជូន) ជនទីទាល់ក្រ។ រហូតមកដល់ពេលនេះ អំណោយជាគ្រឿងឧបភោគ បរិភោគ ប្រមាណជាជិត ១ម៉ឺនកញ្ចប់ហើយដែលសមាគមមិត្តយើង បានចែកជូនដល់បងប្អូនដែលមានការខ្វះខាត។ សកម្មភាពនេះផងដែរបានគាំទ្រតាមរយៈការចូលរួមឧបត្តម្ភពី ដៃគូសហការ និងអភិវឌ្ឍផ្សេងៗផងដែររួមមាន៖ Yinkok Food Corp, Wing,Daily Fresh Foods Cambodia, KROB PICH CO., LTD, IQPS Trading Co.,Ltd និងLaksmiBeemak។ សមាគម មានគោលបំណងក្នុងការរឹតចំណងមិត្តភាព  សាមគ្គីភាព  កសាងបណ្តាញ  ផ្តល់ឱកាសការងារ  លើកកម្ពស់កម្រិតជីវភាពរស់នៅ ប្រឹក្សាយោបល់ និងគាំទ្រដល់សហគ្រាសធុនតូច និងមធ្យម ជាពិសេសការងារសង្គម ក៏ដូចជាការងារសប្បុរសធម៍នានា ដើម្បីរួមចំណែកដល់ការអភិវឌ្ឍន៍ប្រទេសជាតិ។